فرسان الاقصي..الست اخي؟؟

om_elshahed

بسم الله

http://www.way2allah.com/modules.php?name=Khotab&op=Detailes&khid=9572

**احد قواد اليهود ولله الحمد تم اثره وكتير من اليهود بيموتوا في غزه ولله الحمد بالرغم من عدد الشهداء اللي في ازياد..

**ومع الاسف اخر مولد كهربي وقف في غزه..

**بنسمع صرخه من كل انسان ومن كل اخ في غزه بيقولوا لنا الست اخي؟؟..احنا كلنا بنبعد عن الحرب بس لو بعدنا عن الحرب مع اليهود؟؟ ياتري هنبعد عن الحرب مع الله؟؟

**كل لحظه بيقولنا شهيد الست اخي؟ هاين عليك دمي اللي اشد في حرمته من المسجد الحرام؟؟
..مثل المؤمنون في توادهم وتراحمهم كمثل الجسد الواحد..اخطر تشبيه اننا زي الجسد الواحد اخطر واروع تشبيه للاخوه؟؟

** ازاي هان عليك تبقي فرحان مع مولود جديد ؟؟ وانا بدفن ولادي؟؟

ده سيدنا موسي لما ارسله الله كرسول قال انا عاوز يبقي اخويا معايا..وسيدنا يوسف لما مكن له الله في الارض طلب ان اخواته يكونوا معاه..فين المفهوم ده ياجماعه في حياتنا؟؟

**ده المسلم يبقي حرام عليه لو نام وهو يعلم ان جاره جوعان..طيب انتوا ازاي بيجلكم نوم واحنا عارفين ان اخواانا ياريتهم جوعانين وبس لا دول كمان عريانين وغير امنين ومرضي..

**عكرمه بن ابي جهل في معركه اليرموك كان هيموت علي شربه ماء سمع اخوه اللي جنبه عاوز يشرب مرضاش يشرب وفضل اخوه حتي ماتوا جميعا..

** سعد بن ربيعه لما عبد الرحمن بن عوف أسلم قالوه خد نص مالي..وخد زوجه من زوجاتي..

**ده لو موقفناش جمب اخ من اخواتنا ولو حتي سمعنا كلمه مش حلوه عليه الله هيخذلنا في الدنيا والاخره..صلاه الجماعه بنقفها من بعض علشان كده بناخد 27 درجه زياده..

**ربنا وعدك بالعون والنصر..لما بتعين اخوانك لو دعيتله ان الله ينصره الملائكه تدعي لك اللهم انصره..

**لابد من تحطيم الاوثان

العرب وبس

بلدي وبس

انا وبس

الصح الاسلااااام وبس

**بلدي وبس لازم تنتهي ياجماعه..وحكي الدكتور قصه جميله قال لما كان فيه ثيران تلاته وفيه اسد الاسد راح لواحد منهم وقاله انا هحميك وهخلي حواليك اشبال صغيره تحميك بس تسيبلي التور الاحمر..قاله ده اخويا قالوا ما انا هشهرك واحميك..سبهوله وشاف الاسود وده في فمه كبد اخوه والتاني في فمهه قلب اخوه..وبعد شويه قاله الثور الاحمر قاله لا ده اخويا قاله اخوك ايه انت هتشتغل في الارهاب ولا ايه؟؟ قاله لا خلاص كله..ويوم لما كله لقي الاشبال اللي حواليه كلها بتنشهش في لحمه وهنا قال

قتلت يوم قتل الثور الابيض!!

احنا ياجماعه اكلنا يوم اكلت غزه..

احنا هنضرب بكره ياجماعه لو مدفعيناش عن غزه وهنضرب نفس الضرب..

في غزوه الاحزاب اهل يثرب تخلوا عن الجيش الاسلامي وقالوا احنا مالنا احنا في بلدنا وبس ومهتموش انهم كلهم مسلمين وكادوا ان يقضوا ع الدين في اوله الا ان ظهر من المسلمين رجال صدقوا ماعاهدوا الله عليه نصروا الدين..
لما مشي 2700 والجيش كله كان 3000...

في غزوه تبوك كانت اول وحده اسلاميه لما خرج 30000 من المسلمين لقتال الروم..

فالوحده العربيه عمرها ماحصلت الا تحت رايه الاسلام..

**الوثن التاني..العرب وبس

هبوني عيدا يجعل العرب أمة

وسيروا بجثماني دين برهم

فقد مزقت هذى المذاهب شملنا

وقد حطمتنا بين ناب ومنسم

بلادك قدمها على كل ملة

ومن أجلها أفطر ومن أجلها صم

سلام على كفر يوحد بيننا

وأهلا وسهلا بعده بجهنم

القوميه العربيه دي وثن..لازم يكون القوميه الاسلاميه هي اساسنا..

** الوثن التالت ..انا وبس

وثن الانانيه..

اللي بيغش في الاكل والتجاره واللي بياخد روشه بيعمل كده لانه مش حاطط في دماغه انه بيتعامل مع اخوه..

**عاوزين نغير النظره للمجتمع ياجماعه لحم ودم واحد ودين واحد لازم نحس بالاخوه دي..

فالاخوه العمليه مش هيحققها الا جيل النصر,,انك تقف مع كل مسلم في بلدك مريض ومحتاج وفقير///كل مسلم في الامه العربيه..وكل مسلم في العالم...

كلهم اخوااااانا //لازم ننصرهم وتدعيلهم وتدعمهم..

** انت مش سامع كل فقير في بلدك بيقولك انت مش اخويا سايبني تعبان ليه وجعان ليه..

انت مش سامع كل مسلم في الشيشان بيقولك انت مش اخويا سايبني في المجازر ليه..

انت مش سامع كل مسلم في اندونسيا وهو بيقولك انت مش اخويا سايبني اتقتل وتتقطع رقبتي ليه وبيلعبوا بيها الكوره ليه

انت مش سامع كل مسلم في غزه بيقولك مش انت اخويا سايبهم يدكوا بيوتي ليه وحمامات الدم شغاله ليه؟؟ ومستقبل ولادي ضاع في الدنيا

...لابد من الاتحاد....

المشاريع العمليه..

كل يوم ركعتين..قيام ليل وندعوا لاخوانا في غزه..

وجزاكم ربي خيرا والله المستعان والحمد لله رب العالمين..

**هبه**

بالرغم ان اسلوبك حلو
وتنفعى تقفى على المنابر بين الجيوش
بس التعبئه النفسيه هنا ملهاش اى مجال
ومش هتجيب لنا غير الجنان
لان لو حد فكر يروح يحارب كتجربه فرديه فدا شوفناه فى العراق وقال الريس مش هنمنع حد
هما فعلا ممنعوش حد بس حتى يومنا هذا لا نعلم عنهم شئ ولا خرجو من ارض مصر
ثانيا لو بتقصدى بالتعبئه دى تكلمى القاده فهما عارفين قدرتنا وعارفين ان الشبل حاميه اكبر اسود فى العالم ولو مسبتيش التور الابيض يتاكل وروحتى تدافعى يبقى بتعجلى بمعادك
كلنا عارفين ان بعد التور الابيض التور الاحمر
انما مين اللى عنده الامكانيات العسكريه اللى تقف قدامهم
مفيش داعى نضحك على نفسنا ولا نتخيل اكتر من اللى ممكن نعمله
هو مش قليل لو امنا بيه
الدعاء والمقاطعه والصلاه قضاء حاجه

**dr_ahmed_akl**

هبة عايز اقولك ان اللي ام الشهيد كاتباه دي محاضرة للدكتور حازم شومان ده مش اسلوبها دي ناقلة المحاضرة

تاني حاجة انتي بتقولي الريس ممنعش حد انه يروح يحارب في العراق طبعا مش صح لانهم منعوا الناس تروح العراق

تالت حاجة بتقولي راحوا ومنعرفش عنهم حاجة طب مهما رايحين عشان يستشهدوا في سبيل الله(ده لو حد راح) ايه المشكلة يعني ؟؟

انتي بتقولي احنا معندناش الامكانيات العسكرية اللي عندهم ... طيب بتقولي ندعي ان ربنا ينصرنا ليه؟؟ هتقولي عشان ربنا قادر ينصرنا.. هقولك طب طالما ربنا قادر ينصرنا مش عايزانا نحارب ليه؟؟ مش ربنا اللي بيقول (ان تنصروا الله ينصركم ويثبت أقدامكم) ربنا اشترط علينا اننا نحارب عشان ننتصر وربنا اللي بيقول ((كم من فئة قليلة غلبت فئة كثيرة بإذن الله)! الموضوع مش موضوع اسلحة ولا امكانيات .. والا مكنتش فيتنام (أظن دي بلد عمرنا ما سمعنا عنها _مسلمين علي فكرة_ )هزمت أمريكا (_أمريكا مش اسرائيل_)

لازم تعرفي يا هبة ان اللي خلي بوش ميفكرش يهاجم اي دولة عربية تانية هما الناس اللي راحوا يحاربوا في العراق اللي بتقو لي عليهم

_________________

om_elshahed

بسم الله

مشكورين ع مروركم الطيب ونقاشكم المثمر

فعلا الدرس للداعيه الدكتور حازم شومان والا مكنتش حطيت لينك الدرس بتاعه وفي منتداه الخاص ع المنتدي

...النصر عاده لا بيجي من عده ولا عتاد

النصر بيجي من الايمان بالله والثقه في النصر

وطالما دول مش موجودين فينا فاللاسف واضح جدا اننا مش جيل النصر...ولو مبقيناش جيل النصر

فده معناه حاجه واحده اننا سنستبدل وياتي بقوم غيرنا ..جيل غير استار اكاديميي ..جيل غير سنوات الضياع..

**هبه**

طبعا اللى ليهم تاريخ على المنتدى هيعرف ان نقاشتنا مبتنتهيش
وبتوصل احيانا للقتل
يا دكتور ربنا برده قال ولا تلقو بأيديكم الى التهلكه
طبعا مؤمنه ان النصر بيد الله بس فى طرق كتير غير الحرب اللى احنا مش قده
وطبعا مش عاوزه بداهه اننا مش قده
صحيح كم من فئه قليله غلبت فئه كثيره
كان تخطيط ووحى من عند ربنا للرسول عليه الصلاة والسلام
وبعدين هو مش عيب ابدا لما نقول اننا مش قده دا الرسول عليه افضل الصلاة والسلام غلب فى احد
ثم ان الانسحاب قبل الهزيمه نصر كما فعل خالد ابن الوليد فى معركة مؤته
انت بتقول ان الحرب مش سلاح بل ايمان
الحرب كل حاجه لازم تبقى موجوده جنود سليمة البدن والبديهه واسلحه وايمان
الجنود مثلا فى مصر بيتمنو يطلعو اعفاء
والايمان موجود واظن ان اننا فاكرين متاخرناش فى 48
لكن الاسلحه بقى خانتنا فى 48 وماتو الجنود بلا ثمن دا غير ان الزمن اتغير وبقى فيه حرب كيماويه
احنا ممكن نقاطع المنتجات او منصدرش الغاز نصلى ونصوم وندعى وعلى فكره دا مش قليل ابدا
ومتشكرين جدا لموضوعاتك الجميله يا ام الشهد
واسفه لانى ماخدتش بالى انك نقلها عن الدكتور حازم شومان

**dr_ahmed_akl**

اسف يا هبة طبعا انا مش معاكي وهو ده الخوف من الموت اللي الرسول عليه الصلاةوالسلام قال عليه..قال : ( ستتكالب عليكم الأمم كما تتكالب الأكلة على قصعتها. قالوا أمن قلة يارسول الله قال بل أنتم غثاء كغثاء السيل ولكن أصابكم الوهن ، قيل وما الوهن يارسول الله قال : حب الدنيا وكراهية الموت ) عرفتي بقي بيجوا يحاربونا ومش خايفين ليه؟؟ عشان عارفين ان اخرنا هنروح لمجلس الامن خايفين نحارب لو سالتي اي حد حارب في 73 هيقولك ان اسلحتنا ماكانتش تيجي ربع اسلحتهم هزمناهم ازاي؟؟ بالوحي برضو ؟؟ فيتنام هزمت امريكا بالوحي؟؟؟حزب الله هزم اسرائيل بالوحي؟؟ ايوة الحرب تخطيط بس مش وحي الرسول خطط للحروب اه انما مهزمش الكفار بالوحي ايوة في بعض الحروب ربنا امدهم بملايكة تحارب معاهم..بس ربنا ماقلش انه هيساعد الرسول فقط انما قال للمسلمين كلهم(ان تنصروا الله ينصركم ويثبت أقدامكم)

وعايز افكرك بالحديث ده: عن عبدالله بن عمر رضي الله عنهما قال:
رسول الله صلى الله عليه وسلم
يقول :
إذا تبايعتم بالعينة وأخذتم أذناب البقر ورضيتم بالزرع
وتركتم الجهاد
سلط الله عليكم ذلا لا ينزعه شيء حتى ترجعوا إلى دينكم

والحديث اللي بيقول:
(لاتزال طائفة من أمتي على الحق ظاهرين على من ناوأهم وهم كالإناء
بين الأكلة حتى يأتي أمر الله وهم كذلك قلنا يارسول الله وأين هم قال
بأكناف بيت المقدس)

لو كانت الحرب لتحرير الاقصي مثلا كنت هقولك اه كان لازم يكونوا جيش قوي بس دي حرب فرضت عليهم وطالما قامت حرب علي اي مسلم في اي مكان فدي حرب علي كل المسلمين.

_________________

om_elshahed

بسم الله

من الاخر ياجماعه الجهاد فرض عين ولا بد لن من ان نتخذ اسباب النصر

وهي اللي موجوده في سلسله فرسان الاقصي للدكتور حازم شومان

فبدل الكلام ياجماعه ياريت تاخدوا خطوه عمليه وحيده في حياتكم اتجاه دينكم..

**هبه**

الكلام فى حد ذاته مهم.المنتدى دا اصلا معمول لاخذ الاراء
والاختلاف فى الراى لا يفسد للود قضيه
وانا فى رأى من البدايه ان الخطوه اللى ممكن اعملها اصوم وادعى واقاطع
ودا بالفعل عملته
اسالى بقى الدكتور احمد راح حارب زى ما قال؟
طبعا بضحك معاه
والحمد لله بالفعل الحرب اتوقفت ومفيش داعى للحرب ويارب ينتصروا عليهم
ويخرجوا كلهم من غزه والله المستعان

**dr_ahmed_akl**

والله انا كنت بتمني اكون معاهم.. وبعدين الحرب مش هتنتهي الا بتحرير الاقصي طول ما الاقصي غير محرر يبقي فيه سبب للحرب دي اسمها هدنةوالحرب الكبري جاية جاية لا محالة

_________________